可能學郭富城話齋：純真早已消逝同枯萎喇，從未對米奇and friends有過丁點的好感。
最衰係大三陣認識一個法國佬Baudrillard那些講到似層層的理論，又simulacra又hyperreal咁，鬼死咁postmodern，仲要用正米奇老鼠園做例子，那時懶有獨立思考同批判性的我就正式對大亞美利堅文化霸權(聽落都好似好知識份子同有咁)抱住既愛且恨的態度。
細個時將所有美國都自動等如"西方"，西片其實係荷里活片、西餐原來係老麥，最囉命的仲係以為英文得一種，就係響電視電影聽到個逢R讀R同埋將所有vowel都讀flat哂的美式口音，有意無意就學埋學埋，一同有倫敦cockney口音的人傾，就好似從來未讀過雞腸咁，莫講話講，連聽都有困難。自信心跌到新低，更加感受到自少受亞美利堅文化荼毒之深(所以每次聽到有人講RP或倫敦口音英文，必定加分，詳情請參考貝理雅講口音)。
自從次晌巴黎被逼一日去米奇老鼠園之後，就對己發誓以後都唔會再去。But then, never say never. 家母那天竟然扭計要我帶佢去，唉！點算？
5 comments:
感同身受!我也很討厭Disney那種夾硬堆砌出來的溫馨同歡樂,亦從來都唔覺得好似人咁高
o既米奇有"邊忽"咁得意.(重點強調白雪公主"懶"親切咁同你揮手,其實係一件好得人驚
o既事!)
btw,同你一樣, 家母也忽然cutie起來,話要去迪士尼走一轉,見識下喎.(哎...)
my father also want to go to disney wo ...
咪咁extreme啦你哋！講真Disney原意係比小朋友玩嘅（即十歲以下），只不過唔知點解去咗HK會變咗大人嘢，又wedding又撲飛........
我試過同一個八歲小妹妹去，佢確實玩得好開心，尤其夜晚放烟花，一大班小BB（average 4 至 5 歲）嘩嘩聲，係幾好氣氛嘅ｏ我作為陪玩都心甜，OK啦！
弊傢伙，我是其中一個很想去迪士尼的人，仲要係上次去的時候真係覺得開心喎．．．ng．．其實我係咪應該約埋auntie去呢？
gapgap,係時候等我介紹”伯有”比你認識了，或者你地會有一個開心的迪士尼之旅！
Post a Comment