復活節"HIGH"舊野

五日內睇左四樣真係舊野或風格舊野，首先係BIG BAND，演唱會比較少以下風格的歌曲，有些少失望。講BIG BAND風格歌，最鍾意都係呢首。平時D甚麼高官大公司CEO最鍾意揀MY WAY做自己代表歌，大路到暈。感性都可以跳脫D加其實，唔洗咁沉重喎。



睇左兩套由朱石麟執導阮玲玉主演的默片，其中一套係無現場音樂伴奏的，更純粹。三十年代初的作品，新舊矛盾襯托戰雲密佈的時代，文以載道，教化意味頗濃。阮玲玉的細膩演技始終叫人動容。



同樣時期，荷里活出左FRED AND GINGER，花樣歌舞高貴優雅，以做好夢為己任。輕輕鬆鬆，何必太認真？HKPO向兩位傳奇致敬的音樂會表演者，與七十年前的水準相比，相距甚遠。



想起陳年往事一則，話說當年訪問郭姓天王有關他喜愛的舞蹈風格，他說是荷里活音樂劇黃金年代的舞蹈，我問係唔唔即係佛烈雅士提同珍姐羅渣士，佢用左個知我莫若你的表情回答：就係囉。到今時今日，其實我都唔SURE我地係唔係講緊同一樣野。