以前明明叫開幕典禮或開幕禮

雖然由得知張大導主理開幕式(何其大陸的叫法)起，已經預期會見到大量黃金甲風格，加埋要展示盛世和平掘起，四個鐘話唔夠講咩?講唔講到先係問題。都彈下又讚下啦：

先 讚：畫卷軸概念其實幾好用、人肉水墨畫都見心思、用太極講同自然的關係都貼切、天圓地方應該講多D、領運動員進場D姐姐套變奏旗袍幾好款、反地心吸力行 地球波有驚喜、延續開卷概念加埋傳聖火片段送李寧點火盆效果唔錯、開小朋友笑面遮見感動、運動員進場時有不同風格音樂配襯、姚明隔離個小朋友的意義。

要彈：中華文化五千年用到爛的符號包括不倫不類的戲曲解讀、飛天無啦啦發光飄埋去閃令令五環旗、人肉白鴿同LONGLONG彈琴九唔搭八、砌和字同漢唐盛世太刻意同太白、用手扮放白鴿好鬼肉麻、聖火盆設計好硬、中國隊套番茄炒旦想點?螢光膠人砌鳥巢、煙火無必要地多。

SARAH BRIGHTMAN退休或仙遊之後，係唔係就無第二把女聲唱開幕歌?定係呢個安排係要展示同世界品味接軌?

又要大同又要表現中華文化的精神面貌，向威也被雅典奧運用到出神入化之後有如此水準，都收貨架啦。