正在籌備展覽，為如何擺設展品而費煞思量之際，感謝同學仔A的仗義幫忙。
A除了就擺放展品的方法提供有效建議外，還請纓張羅所需的材料，更答應於set場當日充當義工幫忙幫忙。多得他預先鋪排，我們可以方便地於某學系的工場購買材料，省卻了不少麻煩。
A 因事未能同往工場，唯有預先畫好草圖，將所需尺寸、件數、切割方法及物料質地逐一寫下，讓我們好辦事。與大師到達工場門口卻一個人都看不見，在東張西望時 赫然發現木工叔叔悠然於轉角處出現，身上隱隱散發一陣煙味…他用帶質問的口吻問我們是否屬於其學系，(潛台詞：唔係本系學生免問！)我們唯有支支吾吾的說 了些東西，最後他都肯接order，再經以下過程：
(一)拿著他寫上了job description的form過隔離房俾錢﹔
(二)穿過類似貨倉的辦工室後於一角落找到付款的counter﹔
(三)被counter的阿姐帶質問的口吻問我們為其學系那一位老師做事(？！)﹔
(四)以信用卡付款，共銀150元正﹔
(五)拿同一張form返回工場交回木工叔叔。
以為終於完事，冷不防叔叔帶著責備的一句："你0地三點0靚四點好離囉啦，五點無人咖啦！"整個過程，遇上的人都"玄壇"咁面口，好像身處無間道，不願做卻又不願走…
很怕自己也會變成這樣，用as-a-matter-of-fact的語調說："填form先啦"又或者"唔知喎，呢D唔係我負責咖喎"等等……
5 comments:
gf, 象牙塔同官僚制度,其實都是同出一徹,絕對叫人沮喪!
這種態度,我都經已看慣了, 唯有希望自己不會某天變成他們其中一份子.如果有日發現我有此傾向,煩請同公司的ali兜巴星醒我!
這是很多政府或公營機構員工的通病. 最氣憤是那個亞叔的人工可能是我的兩倍,而每天只有一兩小時真正在工作, 仲要聲大夾惡. 再想起他們的人工有一部份由我的納稅而來, 就更加氣憤難平.
hj，與你一樣，這些嘴臉早己是見怪不怪，也不希望變成他們的一員。但有時候也會不禁想，唔駛做但又可以照樣有糧出，明明係小角色但又可以好似老闆咁俾臉色人睇，自己咁辛苦又為乜呢？
我公司個Admin咪又係咁衰,無論你叫佢做什麼check什麼,佢都係答你"我好忙唔得閒呀",但轉頭佢就企係其他同事個位傾計.不過這種人又死唔去"個bor",可能佢識擦鞋啦,真係粗D講句"吹佢唔漲"!
as-28難得你開竅喎，好的開始，記得你自己所說喎！我時常提醒自己待人處事要小心，今時今日重用呢種態度做野，係唔掂0架！
Post a Comment