捉蟲高危陷阱

要改編沙士比亞或張愛玲的作品，從來都係十級高難度動作。

沙生果D性格決定命運而注定造成悲劇的招牌橋段，正正經經用番原著同演出方法都 還好，要將佢UPDATE做現代版就好容易出現本應係喊位變笑位的後果，最 後個幕D真相大白位同全部死晒位真係高危中的高危。是夜睇左改編自奧塞羅的搖滾音樂劇，本來大致上都改編得算係咁，就係最尾個幕出事，最DRAMATIC 同TRAGIC的位觀眾起左笑聲…如果唔係有份演出班中學生只係用左四星期去學唱、跳同做而都見得下人呢個同情分，都幾惡睇。

EILEEN個D就更加，無咩邊個改編得有好結果。年前響電影節睇番許鞍華套傾城之戀，阿范柳原講個D原文照錄的文皺皺對白時，全院發笑，以為睇緊周星馳電影。關錦鵬套紅玫瑰白玫瑰拍到葉玉卿好似患上經常性呆滯症，好彩重要的章節同金句用番文字表達。兩套電影的主題曲反而好得。

所以，羅密歐與朱麗葉─後現代激情篇真係高水準的改篇，型到痺！期待李安的色、戒，睇TRAILER就好吸引，希望成為改編張小姐作品的示範作。