你話我唔化又好點都好，點解我除左賺錢賺錢再賺錢之外就咩都融納唔到？唔賺錢無客入的一律無得留低，有客有錢就咩狗屎垃圾豬頭骨都要做，唔洗理有無point有無質素對社會有無價值，學周星馳話齋：同條咸魚有咩分別？只因我笑貧不笑娼，唔怕kiss ass，最怕無cash。無格無型無風骨，又如何？
唔洗講錢個d都唔好得幾多，人話要做就要做，自己都唔知點解要做，做得好好個d又一個唔該還原基本步，以前d可以當發左場春秋大夢，同樣無型無格無風骨，仲要慷他人之慨咁呢浪費，沉迷賭博，倒錢落海之前都叫做賭過過左癮，最有資格唔受商業壓力去做有價值的事的機會都要自己拱手讓出，仲可以講咩？
厭悶到無倫，比啖新鮮空氣呢索下得嗎？
2 comments:
不知來龍去脈. 但若要一口新鮮空氣, 建議先向前或向後踏出一步. 原地踏步凡看來難有大轉機.
人話要做就要做，自己都唔知點解要做;做咗又話唔要,掉咗之後又話你好做乜唔keep;唔做又話你好唔做,做又反問你整乜浪費時間去做;交一時問你點解唔做埋二,做埋二又問你點解唔試埋三四五...(下刪同類情況一萬種)
但其實最可悲最無型無格無風骨的...是我地自己.因為好遺憾,無論你幾佛士J,仍然身不由己地踎左響呢度!無法子...怎一個"窮"字了得!
感同身受啦老友.睇開D, 加油兼共勉之啦!
明天訓醒,又係一條好漢!!!
Post a Comment